(પદ ૫૭, વલ્લભ વિષ્ટિ ભાગ -૪)

આપણે સૌ ભાગ્યશાળી મુમુક્ષુઓ સુવિદિત છીએ કે ગત જન્માષ્ટમી ૨૦૧૭ના શુભ દિને સમગ્ર મોક્ષમાર્ગ ધર્મ પરિવારને અમુલ્ય લ્હાવો મળે અને મોક્ષ અભિલાષા પૂર્ણ થાય તે માટે આપણા પરમપુજ્ય ગુરુમહારાજશ્રીએ આહવાન કર્યું છે કે જન્માષ્ટમી ૨૦૧૯ થી જન્માષ્ટમી ૨૦૨૦ સુધીના પુરા વર્ષને આપણે પરમપદ્ નિવાસી જ્ઞાનદાતા સદગુરુશ્રી વલ્લલભરામ મહારાજની ૧૭૫મી જન્મ જયંતિ વર્ષ તરીકે આનંદોલ્લાસ પૂર્વક ઉજવશું. આપણે સૌ મુમુક્ષુઓ આ અનેરા પર્વની આતુરતાથી રાહ જોઈ રહ્યા છીએ.

પ્રભુ પરમાત્મા, સદગુરુશ્રી વલ્લભરામ મહારાજ તથા સદગુરુશ્રી રમુજીલાલ મહારાજની અસીમ કૃપા-દયા-કરુણા અને આશીર્વાદથી પરમ પૂજ્ય ગુરુમહારાજની નિશ્રામાં ગુરુઆજ્ઞા મુજબ વ્યાસ વાટિકા અને વલ્લભાશ્રમ મધ્યે વિકાસના કાર્યો પુરજોશમાં ચાલી રહ્યા છે જેના આપણે સૌ સાક્ષી છીએ. મોક્ષમાર્ગ ધર્મ સમાજ દ્વારા આ ભગીરથ કાર્ય માટે દાનનો અવિરત પ્રવાહ મળી રહ્યો અને ભવિષ્યમાં પણ આવી જ રીતે સહકાર મળતો રહેશે એ બદલ વલ્લભ માનવોદ્ધારક મંડળ આપ સૌ મુમુક્ષુઓનો ઋણસ્વીકાર કરે છે.

આપણે સૌ જાણીએ છીએ કે આગામી વર્ષ દરમ્યાન યોજાનાર વિશેષ આધ્ત્યાત્મિક કાર્યક્રમોમાં ખુબ જ વિશાળ સંખ્યામાં મોક્ષમાર્ગી ભાઈઓ અને બહેનો ભાગ લેનાર છે. આ આધ્યાત્મિક કાર્યક્રમો દરમ્યાન સંપૂર્ણ વ્યવસ્થા જળવાઈ રહે અને આપણે સૌ આનંદપૂર્વક કાર્યો કરી શકીએ એ અત્યંત જરૂરી છે. આવા કાર્યક્રમમાં વ્યવસ્થા માટે મોટી સંખ્યામાં ઉત્સાહી સ્વયમ સેવક ભાઈઓ અને બહેનોની જરૂર રહેશે.

આપણા વલ્લભ માનવોદ્ધારક મંડળમાં ઉત્સવોની ઉજવણી તથા અન્ય વિકાસના કાર્યો માટે પરમપુજ્ય ગુરુમહારાજશ્રીની આજ્ઞા અનુસાર વિવિધ સમિતિઓ કાર્યરત છે, જે સમિતિઓમાં આપણા જ મોક્ષમાર્ગ ધર્મ પરિવારના ભાઈઓ અને બહેનો અમુલ્ય સેવા આપી રહયા છે. ધર્મસેવાના આ પવિત્ર કાર્ય કરવાની અમુલ્ય તક હવે આપણને પ્રાપ્ત થઇ રહી છે એ આપણું અહોભાગ્ય છે. આ સમિતિઓમાં સેવા આપી શકે એવા ભાઈઓ અને બહેનોની ખુબ મોટી સંખ્યામાં જરૂર હોય, સમય અને સેવા આપી શકે એવા ઉત્સાહી અને સેવાભાવી ભાઈઓ અને બહેનોને સમિતિમાં જોડાવવા નમ્ર વિનંતી કરવામાં આવે છે. આપ આપની અનુકુળતા મુજબ ઉત્સવ દરમ્યાન અથવા ઉત્સવ વગરના સમયમાં વલ્લભ માનવોદ્ધારક મંડળના અન્ય કાર્યોમાં પણ સેવા આપી શકો છો. નીચે મુજબ વિવિધ સમિતિઓમાં સ્વયં સેવકની જરૂર હોય આપ આપની આવડત મુજબની સમિતિમાં જોડાઈ શકો છો.